ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងសុខាភិបាលកំពុងសិក្សាជាមួយអង្គការសុខភាពពិភពលោកពីការប្រើប្រាស់វ៉ាក់សាំងជំងឺអុតស្វា

  • ចុះផ្សាយថ្ងៃទី០៣ ខែមិថុនា ឆ្នាំ២០២២ ម៉ោង ១២:៣៩ នាទី ដោយ Hun Sirivadh
  • 1971
  Aa |   aA

ភ្នំពេញ៖ ក្រសួងសុខាភិបាលកំពុងសិក្សាជាមួយអង្គការសុខភាពពិភពលោកអំពីលទ្ធភាពក្នុងការស្វែងរក និងប្រើប្រាស់វ៉ាក់សាំងជំងឺអុតស្វា ខណៈដែលជំងឺនេះត្រូវបានរកឃើញជាបន្តបន្ទាប់ថាបានឆ្លងចូលក្នុងសហគមន៍នៃប្រទេសមួយចំនួនជាបន្តបន្ទាប់។

ប្រធាននាយកដ្ឋានប្រយុទ្ធនឹងជំងឺឆ្លង លោកវេជ្ជបណ្ឌិត លី សូវ៉ាន់ បានប្រាប់ EAC News ថា រហូតមកដល់ពេលនេះពិភពលោកមិនទាន់មានករណីរាយការណ៍ពីការស្លាប់ដោយជំងឺអុតស្វានៅឡើយទេ តែថាមិនអាចមើលស្រាលជំងឺនេះបានទេដោយជំរុញឱ្យពលរដ្ឋមានការប្រុងប្រយ័ត្ន និងតាមដានស្ថានភាពសុខភាពរបស់ខ្លួន។

លោកថាជំងឺអុតស្វាអាចបណ្ដាលឱ្យមនុស្សស្លាប់ផងដែរប្រសិនជាអ្នកជំងឺមានផ្ទុកជំងឺផ្សេងដែលធ្វើឱ្យប្រព័ន្ធការពាររាងកាយចុះខ្សោយ។ លោកបន្ថែមថានៅពេលនេះក្រសួងកំពុងសិក្សាជាមួយអង្គការសុខភាពពិភពលោកពីលទ្ធភាពនៃការប្រើប្រាស់វ៉ាក់សាំងការពារផងដែរ។

លោកថា៖ «យើងកំពុងសិក្សារឿងហ្នឹងហើយ! ខ្ញុំគិតថាការងារចាក់វ៉ាក់សាំងគឺជាការងារអទិភាពហើយ តែយើងត្រូវការសិក្សាសិនជាមួយអង្គការសុខភាពពិភពលោក យើងត្រូវស្ដាប់អនុសាសន៍របស់អង្គការសុខភាពពិភពលោក»។

រោគសញ្ញានៃជំងឺអុតស្វាមានកន្ទួលឬពងបែក លើដៃ បាតដៃ ជើង បាតជើង ឬលើមុខ និងមានរោគសញ្ញាមួយ ឬច្រើនដូចជាគ្រុនក្តៅលើស ៣៨,៥អង្សាសេ ឈឺសាច់ដុំ ឡើងកូនកណ្តុរ ឈឺក្បាល ឈឺខ្នង។

លោកជំរុញដល់ពលរដ្ឋមានការប្រុងប្រយ័ត្ននិងតាមដានខណៈមានករណីសង្ស័យសូមទៅពិគ្រោះជំងឺនៅមន្ទីរពេទ្យជិតបំផុត ឬទូរស័ព្ទទៅលេខ ១១៥។

ចាប់តាំងពីថ្ងៃទី១៣ ខែឧសភា ឆ្នាំ២០២២ ជំងឺអុតស្វាត្រូវបានរាយការណ៍ទៅអង្គការសុខភាពពិភពលោកពីប្រទេសសមាជិកចំនួន២៣ ខណៈដែលការស៊ើបអង្កេតរោគរាតត្បាតនេះកំពុងបន្ត។ រហូតមកដល់ពេលនេះ ភាគច្រើននៃករណីដែលបានរាយការណ៍មិនមានទំនាក់ទំនងការធ្វើដំណើរទៅកាន់តំបន់ដែលមានមេរោគទេ។

យោងតាមរបាយការណ៍អង្គការសុខភាពពិភពលោកត្រឹមថ្ងៃទី២៦ ខែឧសភា ជំងឺអុតស្វាចំនួន៥២០ករណីត្រូវបានរកឃើញនៅក្នុងប្រទេសចំនួន២៣ក្នុងពិភពលោក ក្នុងនោះសហភាពអឺរ៉ុបត្រូវបានរកឃើញច្រើនជាងគេ៕ 


ព័ត៌មានជាច្រើនទៀតសម្រាប់អ្នក